Increasing Intercourse Time

Mubashrat Kay Waqt Ko Barhana  (Increasing Intercourse Time)     Duniya mein har fard apney mubashrat kay waqt (intercourse time) ko ziyada karna chahta hai iss kay liye fard apni haisiyat sey barh kar kharch karney ko tayyar hai. Ameer log lakhun kharch kar detey hain. Humarey yahan puranay daur mein badshahon kay liye hakeem hazraat gold aur chaandi kay kushtey tayyar kartey thay. Tahem ham abhi tak koi aisi miyari medicine market mein mojood nahi jo mustaqil tor per fard kay waqt ko zyada kar sakay. Jitney bhi tariqey mojood hain woh sab aarzi hain en mein sey kuch ka use baaz afraad kay liye muhlik hai. Khusoosan neem hakeemon kay pas iss tarhan ka koi miyari aur safe nuskha mojod nahi. Agar aap kay pas hai to muttala farmaein ham naa sirf book kay agley edition mein aap aur aap kay nukhsey ka zikar karein gey bul kay aap ko maaqool muawza bhi dein gey. Aksar hikma bhi aelopathic adviyat ko herbal medicine kay naam sey sale out kartey hain.     Agar aap ko Premature ejaculation (surat e inzal) yani jald inzal honay ka masla nahi hai to following tariqa mubashrat (intercourse)  kay waqt ko barhaney kay liye bohut useful hai. 90% sex insan kay dimagh mein hoti hai agar mubashrat kay waqt (intercourse time) aap apni tawajja mubashrat (intercourse) sey kisi doosri cheez ki taraf kardein to aap apney jinsi amal ko bohut taweel kar sakein gey, lekin agar mubashrat (intercourse)  half hour sey zyada taweel ho jaey to aurat ko takleef hoti hai. Kyun kay iss sey faraj mein swelling ho jati hai lehaza mubashrat (intercourse)  ko zyada taweel karney sey guraez karein Warna aap ki biwi mustaqbil mein mubashrat (intercourse) sey bachney ki koshish karey gi. Increasing Intercourse Time Mubashrat Kay Waqt Ko Barhana Dakhool kay baad zehan ko jinsi amal sey hataney sey mubashrat kay waqt (Intercourse Time) mein izafa ho jata hai tawajjuh ko munharif karney kay 2 tariqey hain. Zehni  Ya Tasawurati Tariqa Jismani Tariqa  Zehni  Ya Tasawwurati Tariqey: Dakhool kay baad dil mein hazar sey luti counting shuru karein aur counting ko mushkil banayn. Kabhi 1 tafreeq karein kabhi 3, kabhi 7 to kabhi 9 etc. Jab tak aap ginti gintey rahein gey inzal naa hoga. Yeh aik bohut hi useful tariqa hai. Agar aap banker ya accountant hain to yeh tariqa aap kay liye useful naa hoga. Aap dakhool kay baad Urdu ya English kay alphabet dil mein ulta parhein. Mubashrat (intercourse) shuru kartey hi tasawwur karein kay aap takhta e siyah kay qareeb kharey hain. Chalk aap kay hath mein hai aur aap iss per hazar sey ulti counting likh rahey hain. Tawajjah ko zyada munharif karney kay liye counting ko mushkil banaein. Pehley ki tarhan kabhi 1, kabhi 3, kabhi 7 waghaera likhein. Iss tariqey ki madad sey aap apney mubashrat kay waqt (Intercourse Time) ko kafi taweel kar sakein gey. Yeh tariqa teesrey tariqey sey milta julta hai. Iss mein dakhool kay baad aap tasawwur karein kay aap ek takhta e siyah kay qareeb kharey hain aur iss per English ya Urdu kay alphabet ultey likh rahey hain. Jab tak likhtey rahein gey inzal nahi hoga. Increasing Intercourse Time Mubashrat Kay Waqt Ko Barhana     5.  Mubashrat (intercourse)  shuru kartey hi kisi ahem masley per ghor o fikr karna shuru karein. Iss ka hal talash karein, hal ka tajziya karein.     6.  Yeh ek bohut useful tariqa hai agar aap ney mazi mein kisi khoobsurat aur pursukoon place maslan Murree, Kaghan aur Sawat etc ki saer ki hai to dakhool kay baad apney aap ko tasawwur ki madad sey wahan ley jaein aur khoob enjoy karein. Jab tak lutfandoz hotey rahein gey inzal per control hoga.     7.  Agar aap ko cricket ka shoq hai to aap tawajjuh ko munharif karney kay liye yeh tasawwur kar saktey hain kay aap batting kar rahey hain jab kay Imran Khan aap ko bowling kara rahey hain. Jab tak Imran Khan bowling karatey rahein gey aap inzal nahi hongey.     8.  Merey ek shagird mahir e nafsiyat ka ek mareez surat e inzal kay masley ki wajah sey bohut pareshan tha. Yeh mareez ek dehati naujawan tha. Isey bataya gaya kay dakhool kay baad tasawwur mein woh ga'un (village) kay ek baagh mein chala jaey aur wahan ek ek darakht ko hath laga kar ginti karey. Iss ney iss tariqey ko use kya to iss ki azdawaji zindagi bohut khushgawar hogaee. Iss tarhan mera ek mareez tasawwur karta kay woh election ki mohim mein apney city ki mukhtalif places mein taqreerein kar raha hai. Iss sey iss ka mubashrat ka waqt (intercourse time) iss qadar taweel ho gaya kay biwi tang aa gaee. Mubashrat (intercourse) 30 minute sey zyada taweel nahi honi chahiyie.     Income tax deney waley tasawwur mein income tax ka form pur kar kay mubashrat kay waqt (intercourse time) ko zyada kar saktey hain. Iss tarhan ghar ka budget bana kar mubashrat (intercourse) ko taweel kya ja sakta hai. Increasing Intercourse Time - Some Specific Methods  Iss kay sath hi agar aap apni saans ko bhi rok lein to control zyada useful ho jata hai. Chund Doosrey Tariqey:  (Some Specific Methods Of Increasing Intercourse Time) Lambey foreplay kay baad mubashrat (intercourse) shuru karein. Inzal sey kuch deyr pehley paet sey lambey aur gehrey saans lein. Iss sey inzal ki khwahish khatam ho jaey gi. Mubashrat (intercourse) jari rakhein, hasb e zaroorat lambey aur gehrey saans lein. Mubashrat kay waqt (intercourse time) ko taweel karney kay liye yeh tariqa bohut useful hai agar iss kay sath counting wala tariqa bhi shamil karlein to kamiyabi kay imkanaat zyada ho jatey hain. Dakhool kay baad tez jhatkay laganay kay bajaey lambey aur ahista ahista strokes lagaein. Inzal kay qareeb sakin ho jaeyn. Inzal ka waqt guzarnay per phir lambai aur slow jhatkay lagain inzal kay qareeb sakin hojaeyn. Hasb e zaroorat iss tariqey ko dohraatey rahein. Iss tariqey kay sath agar paet sey lambey gehrey aur ahista saans bhi lein to aap ka control mazeed behter hoga. Amooman fard tab inzal hota hai jab woh ander baher jhatkay lagata hai. Dakhool kay baad ander baher strokes laganay kay bajaey sakin rahein aur phir apney pelvis ya sareen (hips) ko bae'in (left) dae'in (right) swing dein ya inn ko chakkar ki soorat mein ghumaein ya rotate karein. Agar biwi bhi mukhalif samt mein swing ya rotate karey to donon mian biwi bohut lutfandoz hotey hain. Yeh tariqa mubashrat kay waqt (intercourse time) ko taweel karney aur jinsi lazzat o sukoon ko zyada karney kay liye bohut useful hai.